,,ქუთაისმა" სუპერლიგის ფინალური სერიის მეორე მატჩში ,,დელტა" 12 ქულით დაამარცხა და სერიაში ანგარიში გაათანაბრა 1:1
ზურაბ საკანდელიძისა და მიხეილ ქორქიას სახელობის სპორტის სასახლეში ჩატარდა ოთარ აბზიანიძის სახელობის პირველი საერთაშორისო ტურნირი ბადმინტონში.
სუპერლიგის მეორე ფინალისტი საკალათბურთო კლუბი “ქუთაისი 2010” გახდა. კოტე ტუღუშის გაწვრთნილმა ქუთაისელებმა ნახევარფინალური სერიის მე-5, გადამწყვეტ მატჩში დაძაბულ ბრძოლაში – 78:74 დაამარცხეს მოქმედი ჩემპიონი “დინამო თბილისი” და ფინალში გავიდნენ.
სასიამოვნო სიახლე სპორტის მოყვარულებისთვის. ქუთაისის მერია სპორტული სკოლების რეაბილიტაციისთვის 300 000 ლარს დახარჯავს.
ქალაქის მერმა გიორგი ჭიღვარიამ, ვიცე-მერმა დავით ერემეიშვილთმა და ა(ა)იპ სპორტულ დაწესებულებათა გაერთიანების მმართველმა კობა ფხაკაძემ, ქუთაისის მე-17 კომპლექსური სპორტული სკოლის დარბაზები დაათვალიერეს.
ქალაქის მერის განცხადებით დაგეგმილია როგორც სკოლის რეაბილიტაცია, ასევე ცენტრალური გათბობის მონტაჟი.
"მე-17 სპორტულ სკოლას აქვს 4 დარბაზი. ამ კონკრეტულ სკოლაში იგეგმება ცენტრალური გათბობის მონტაჟი, რადგან გათბობის არ არსებობის გამო უჭირთ სპორტსმენებს ვარჯიში. ჩვენ 300 000 ლარი გვაქვს გამოყოფილი 2020 წლისთვის, ქუთაისში მდებარე სპორტული სკოლების რებილიტაციისთვის. მოგეხსენებათ რომ წელს ქალაქში მიმდინარეობს გზების რეაბილიტაციის მასშტაბური სამუშაოები და უკვე უნდა გადავიდეთ სხვა ინფრასტრუქტურულ სამუშაოებზე"- განაცხადა გიორგი ჭიღვარიამ.
ნახევარფინალური სერია გაათანაბრა “დინამო თბილისმა”. ირაკლი ხოშტარიას გაწვრთნილმა გუნდმა ქუთაისში ადგილობრივი გუნდი 84:76 დაამარცხა და გუშინდელი წაგებისთვის რევანში აიღო. სერიაში ანგარიში გახდა 1:1 და მომდევნო 2 მატჩი თბილისში – 17 და 18 მაისს გაიმართება.
,,საბურთალოსთან" მარცხის შემდეგ ქუთაისის ,,ტორპედოს" მთავარმა მწვრთნელმა კახა ჩხეტიანმა სკანდალური განცხადება გააკეთა:
ტურის ცენტრალური მატჩი წყალტუბოს 26 მაისის სახელობის სტადიონზე გაიმართა, სადაც საქართველოს თასის მფლობელი "ტორპედო" ქვეყნის მოქმედ ჩემპიონ "საბურთალოსთან" დრამატულ ბრძოლაში 2:3 დამარცხდა.
დიდი ხანია კულუარებში ქუთაისის ,ტორპედოს" ფინანსური პრობლემების შესახებ საუბრობდნენ, თუმცა პრობლემა იმდენად გამწვავდა, გუნდში შექმნილი მდგომარეობის შესახებ მწვრთნელები, ფეხბურთელები და გულშემატკივრები ღიად ალაპარაკდნენ. გუნდში ორი თვის ხელფასები არ დარიგებულა და დავალიანების გასტუმრების პერსპექტივაც ბუნდოვანია.
სუპერლიგის მოქმედმა ვიცე-ჩემპიონმა “ქუთაისმა” ნახევარფინალში გააღწია. მეოთხედფინალური სერიის მე-4 მატჩში კოტე ტუღუშის გაწვრთნილმა ქუთაისელებმა “ტიტები” 93:87 დაამარცხეს და საერთო ანგარიშით – 3:1 იმარჯვეს.
ქუთაისის სპორტულ დაწესებულებათა გაერთიანების ორგანიზებით მიხეილ ქორქიასა და ზურაბ საკანდელიძის სახელობის სპორტის სასახლეში ჩატარდა ირაკლი წოწონავას ხსოვნისადმი მიძღვნილი მე–7 ტრადიციული ტურნირი თავისუფალ ჭიდაობაში ჭაბუკთა (2007-2008, 2009-2010წწ) შორის.
ქუთაისის ,,ტორპედოში" ფინანსური პრობლემებია. ფეხბურთელებს 2 თვის ხელფასები არ აუღიათ. რთული მდგომარეობიდან გამომდინარე ბევრი ,,ტორპედოსგან" წარმატებულ თამაშს არ ელოდა, მაგრამ კახა ჩხეტიანის გუნდი თბილისის ,,ლოკომოტივთან" მე–12 ტურის შეხვედრაში ბოლომდე დაიხარჯა და 3:1 გაიმარჯვა.
ქუთაისელებმა დებიუტშივე მოიპოვეს უპირატესობა. მე–12 წუთზე ამბროსი ჩაჩუას პასის შემდეგ, შესანიშნავ ფორმაში მყოფმა ნოდარ ქავთარაძემ ერთი შესხებით გაიტანა და სტუმრები დააწინაურა. ორიოდე წუთში ,,ლოკომოტივის" კარში პენალტი დაინიშნა, რომელიც ბუდუ ზივზივაძემ პანანკას სტილში გაიტანა.
კახა ჩხეტიანის გუნდმა მეორე ტაიმში უპირატესობა სამ ბურთამდე გაზარდა. 62–ე წუთზე თავი რიჩარდ ლუკამ გამოიჩინა. თბილისელებმა მხოლოდ პრესტიჟის გოლის გატანა მოახერხეს. 81–ე ქუთაისელებს თემურ შონიამ გაუტანა.
დღის მეორე შეხვედრაში სენსაცია დაფიქსირდა, აუტსაიდერმა ,,რუსთავმა" 3:1 დაამარცხა ლიდერი ,,საბურთალო". არასრული მე–12 ტურის შემდეგ ,,ტორპედო" 23 ქულით მე–2 ადგილზეა.
