კრისტალბეთ ეროვნული ლიგის მე–15 ტურში ქუთაისის ,,ტორპედო" სტუმრად თბილისის ,,დინამოს" დაუპირისპირდა და მინიმალური სხვაობით 1:2 დამარცხდა. ქართული კლასიკო დაძაბული და საინტერესო გამოდგა. 31–ე წუთზე დმიტრო ივანისენიამ თბილისელები დააწინაურა. ქუთაისელებმა ანგარიში 62–ე წუთზე გაათანაბრა, ნოდარ ქავთარაძის გადაცემის შემდეგ გოლი გრიგოლ დოლიძემ გაიტანა. თამაში ორმხრივ შეტევებში გაგრძელდა, 78–ე წუთზე ლევან შენგელიამ საჯარიმოს გარედან ძლიერი დარტყმით მასპინძლები კიდევ ერთხელ დააწინაურა. დინამოელებმა ანგარიშის შენარჩუნება შეძლეს და კლასიკოში 3 ქულა მოიპოვეს.