×

გაფრთხილება

JUser: :_load: ვერ ვტვირთავ მომხმარებელს შემდეგი id-თი: 558
ხარება და სამგურალის პირველი გახარება

წყალტუბოს ,,სამგურალმა" ეროვნული ლიგის მიმდინარე სეზონში პირველი გამარჯვება იზეიმა და ეს ხარების დღესასწაულს დაემთხვა.

მიხეილ აშვეთიას გუნდმა საკუთარ მოედანზე დაძაბულ ბრძოლაში ,,თელავი" 2:1 დაამარცხა.

წყალტუბოელები მე-4 წუთზე სწრაფი გოლით დაწინაურდნენ, გოლი ლუკა ხორხელის გადაცემით ლუკა შეროზიამ გაიტანა.

თელაველებმა ანგარიში მეორე ტაიმში გაათანაბრეს. გოლი 55-ე წუთზე შეცვლაზე შესულმა გიორგი ხაბულიანმა გაიტანა.

თამაში ორმხრივ შეტევებში გაგრძელდა. მომენტები ორივე კართან იქმნებოდა.

69-ე წუთზე თამაშში ,,სამგურალის" ახალწვეული გიორგი ფანცულაია ჩაერთო, რომელიც ახალ გუნდს სულ რაღაც სამი დღის წინ შეუერთდა და ,,თელავთან" მატჩში საგოლე გადაცემით გამოიჩინა თავი. 77-ე წუთზე მან ,,ასისიტი" ლუკა ხორხელს გაუკეთა და წყალტუბოელთა ახალგაზრდა ნახევარმცველმაც შანსი ხელიდან არ გაუშვა -2:1

მსაჯის მიერ კომპენსირებულ მეოთხე წუთზე სტეფან ბუკორაცმა მეორე ყვითელი ბარათი მიიღო და თელაველებმა ბოლო სამი წუთი 10 ფეხბურთელით ითამაშეს.

,,სამგურალმა" 2 ფრის შემდეგ პირველი გამარჯვებაც იზეიმა და ბოლო ადგილს თავი დააღწია.

 

სამგურალი-თელავი 2:1

 

07.04. წყალტუბო. საფეხბურთო ცენტრი

გოლები: 1:0 შეროზია (4. ხორხელის პასით), 1:1 ხაბულიანი (55. ჯეფერსონის პასით), 2:1 ხორხელი (77. ფანცულაიას პასით)

სამგურალი (4-1-4-1): კუტალაძე - კიკაბიძე, პატარკაციშვილი, მარკოვინა, კალანდარიშვილი - ვინისიუსი - ა. ვერულიძე (69. ი. ახვლედიანი), ჯანჯღავა (64. ჩიხლაძე), ხორხელი (79. გ. გეგუჩაძე), კარლოსი (79. ბული) - შეროზია (69. ფანცულაია)

სათადარიგოები: ყალიჩავა - დარცმელია, არველაძე, თევზაძე

მწვრთნელი: მიხეილ აშვეთია

თელავი (4-4-2): ქურდაძე - პერუცი, ბუკორაცი, ოდიშვილი (90. ანანიძე), გაბიტაშვილი - ჟივიძე (21. პარკინაშვილი), ჯეფერსონი, ლესნიაკი, ხალნაზაროვი (46. მორჩილაძე) - მაიროვიჩი (71. ცნობილაძე), თ. ახვლედიანი (46. ხაბულიანი)

სათადარიგოები: თანდილაშვილი - კარტაშიანი, გოგოტიშვილი, ო. გაგნიძე

მწვრთნელი: ოლეგ ვასილენკო

გაფრთხილება: ბუკორაცი (44), ოდიშვილი (82)

გაძევება: ბუკორაცი (90+4. მეორე გაფრთხილება)

არბიტრი: ი. კვირიკაშვილი

განახლდა ორშაბათი, 08 აპრილი 2024 15:08
Share this article

ავტორის შესახებ

დავით კოხრეიძე

ელ-ფოსტა ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.

სატესტო რეჟიმი

ჩვენი ვებ გვერდი მუშაობს სატესტო რეჟიმში, შეცდომის დაფიქსირების შემთხვევაში გთხოვთ დაგვიკავშირდეთ ელექტრონულ ფოსტაზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.

სიახლეების გამოწერა

ყოველდღიური სიახლეების მისაღებად ჩაწერეთ თქვენი ელექტრონული ფოსტა.
Top
Этот шаблон Joomla был скачан с сайта ДжуМикс.
We use cookies to improve our website. By continuing to use this website, you are giving consent to cookies being used. More details…