ქუთაისის ქალ ჰოკეისტთა გუნდი სერბეთის დედაქალაქ ბელგრადში ინდორ (დარბაზის) ჰოკეიში გამართულ  ევროპის საკლუბო ჩემპიონატის ,,ჩელენჯ"-2 –ის გათამაშებაში მეორე ადგილზე გავიდა.

ავთანდილ თევდორაძის გუნდმა  ქვეჯგუფის სამივე შეხვედრა მოიგო და ფინალურ დაპირისპირებას ლიდერის რანგში შეხვდა, მაგრამ ფინალში ქუთაისური გუნდი დანიის ჩემპიონ ,,კოპენჰაგენთან“ 0:10 დამარცხდა და  რანგით მაღალ ,,ჩელენჯ“–1–ში დაწინაურება ვერ მოახერხა.

ქუთაისურმა გუნდმა ჩემპიონატი შესანიშნავად დაიწყო. პირველ ტურში ქუთაისელებმა  ფინური ,,პორვო" გაანადგურეს 16:0.

მეორე შეხვედრაში ,,ქუთაისმა“ დანიურ ,,კოპენჰაგენთან“ (რომელიც საბოლოოდ ჩელენგ–2–ის ჩემპიონი გახდა)  8:6 გაიმარჯვა.  

 მესამე შეხვედრაში , ,,ქუთაისი“ ბელგრადის ,,ბასკს“ დაუპირისპირდა და სერბული კლუბი 12:2 გაანადგურა.

ამდენად, ავთანდილ თევდორაძის გუნდმა ჯგუფში სამივე შეხვედრა მოიგო და 15 ქულით პირველი ადგილი დაიკავა.  დებულების მიხედვით ჯგუფში 1–2 ადგილზე გასული გუნდები ერთმანეთს ფინალში დაუპირისპირდნენ. მეორეადგილზე დანიური ,,კოპენჰაგენი“ გავიდა. ქუთაისელები ფინალში სწორედ კოპენჰაგენელებს შეხვდნენ.  ჯგუფური ეტაპის მატჩისგან განსხვავებით ფინალი დანიელების სრული უპირატესობით წარიმართა და მათივე გამარჯვებით 10:0 დასრულდა. ასე რომ, რანგით მაღალ  – ,,ჩელენჯ“–1– ლიგაში ,,ქუთაისის“ ნაცვლად ,,კოპენჰაგენი“ დაწინაურდა.

15 გოლით გუნდის ბომბარდირი უკრაინელი ლეგიონელი ილონა რეჰინა გახდა. 11 ბურთი გაიტანა ,,ქუთაისის“ კიდევ ერთმა უკრაინელმა ჰოკეისტმა პოლინა ვოლოხოვამ.

 

 

გამოქვეყნებულია ჰოკეი

ქუთაისის ქალ ჰოკეისთან გუნდი ჯგუფში პირველ ადგილზე გავიდა და ფინალში კოპენჰაგენს შეხვდება

ქუთაისის ქალ ჰოკეისტთა გუნდმა სერბეთის დედაქალაქ ბელგრადში ინდორ (დარბაზის) ჰოკეიში მიმდინარე  ევროპის საკლუბო ჩემპიონატის ,,ჩელენჯ"-2 –ის გათამაშებაში ქვეჯგუფის სამივე შეხვედრა მოიგო.

პირველ ტურში ქუთაისელებმა  ფინური ,,პორვო" გაანადგურეს 16:0.  5-5 გოლი გაიტანეს ,,ქუთაისის“ უკრაინელმა ლეგიონერებმა პოლინა ვოლოხოვამ და ელონა რეჰინამ. 3 გოლით გამოიჩინა თავი თეონა კუპრაძემ. ორი გოლი კიდევ ერთი უკრაინელი ლეგიონერის, ვალერია ტიშენკოს ანგარიშზეა, ერთი ბურთი კი ფინელებს ლელა სვინტრაძემ გაუტანა.

მეორე შეხვედრაში ,,ქუთაისს“ დანიურ ,,კოპენჰაგენთან“ დაძაბული ბრძოლა გადახდა.  საქართველოს ჩემპიონს შეხვედრა 3:0 მიჰყავდა, მაგრამ დანიელებმა ანგარიში გაათანაბრეს და წინაც გავიდნენ –3:5. ქუთაისელებმა ვალერია ვოლოხოვასა და ილონა რეჰინას გოლებით წონასწორობა აღადგინეს, საბოლოოდ კი 8:6 გაიმარჯვეს.

,,კოპენჰაგენთან“  გატანილი რვავე გოლი უკრაინელი ლეგიონერების ანგარიშზეა. 4 გოლი გაიტანა ილონა რეჰინამ, 3 პოლინა ვოლოხოვამ, 1– ვალერია ტიშენკომ.

17 თებერვალს , ,,ქუთაისი“ ბელგრადის ,,ბასკს“ დაუპირისპირდა და სერბული კლუბი 12:2 გაანადგურა.  რთული გამოსაცნობი არ არის, რომ ქუთაისურ გუნდს, ამ შეხვედრაშიც უკრაინელმა ლეგიონერებმა ულიდერეს. 6 გოლი გაიტანა ილონა რეჰინამ, 2–2  ბურთი ვალერია ტიშენკკოს, პოლინა ვოლოხოვასა და თამარ სუპატაშვილის ანგარიშზეა.

ამდენად, ავთანდილ თევდორაძის გუნდმა ჯგუფში სამივე შეხვედრა მოიგო და 15 ქულით პირველი ადგილი დაიკავა.  დებულების მიხედვით ჯგუფში 1–2 ადგილზე გასული გუნდები ერთმანეთს ფინალში შეხვდებიან. მეორეადგილზე დანიური ,,კოპენჰაგენი“ გავიდა. ქუთაისელები ფინალში სწორედ კოპენჰაგენელებს დაუპირისპირდებიან. მათ შორის გამარჯვებული მომავალ წელს რანგით მაღალ ლიგაში – ,,ჩელენჯ“–1–ში დაწინაურდება.

 

გამოქვეყნებულია ჰოკეი

16–17 თებერვალს სერბეთის დედაქალაქ ბელგრადში სტარტს აიღებს ევროპის საკლუბო ჩემპიონატი -,,ჩელენჯ 2" დარბაზის(ინდორ) ჰოკეიში ქალთა გუნდებს შორის. ჩემპიონატში ქუთაისის გუნდთან ერთად მონაწილეობენ : ფინეთის, დანიის და სერბეთის ქვეყნის ჩემპიონები.

ქუთაისის გუნდი ევროტურნირებისთვის უკრაინელი ჰოკეისტებით გაძლიერდა.

საქართველოს ჩემპიონი ევროპის საკლუბო ჩემპიონატზე შემდეგი შემადგენლობით ითამაშებს: მედეა ბუჯანაძე,ლელა სვინტრაძე,ანი სალდაძე,თეონა კუპრაძე, თამუნა სუპატაშვილი,ბელა ბასილაძე,თამთა არუსია,ვალერია ტიშენკო ,ბელა რუხაძე,პალინა ვოლოხოვა,
მწვრთნელი:ავთანდილ თევდორაძე და მოთამაშე მწვრთნელი ბელა ბასილაძე.
გუნდის მენეჯერი :თამარ რევიშვილი
ბელგრადში გუნდს შეუერთდება უკრაინის ახალგაზრდული ნაკრების წევრი ილონა რეჰინა.

თამაშების პირდაპირი რეპორტაჟების ნახვა შეგიძლიათ :
https://eurohockey.org https://www.eurohockeytv.org
16– თებერვალი–
14სთ15წთ– ქუთაისი – პორვო (ფინეთი)
20სთ00წთ – ქუთაისი – კოპენჰაგენი(დანია)
17 თებერვალი
12სთ45 წთ –ქუთაისი– ბასკთ(სერბეთი)
16სთ45 წთ 3 – 4 ადგილი
18სთ15 წთ 1– 2 ადგილი

გამოქვეყნებულია ჰოკეი
კვირა, 30 სექტემბერი 2018 00:00

ოქროს გოგონები!

30 წელი გავიდა მას შემდეგ რაც  ქუთაისის  გოგონათა ჰოკეის გუნდი ,, უქიმერიონი" 1988 წელს ახალგაზრდებს შორის საბჭოთა კავშირის ჩემპიონი გახდნენ. მაშინ ქუთაისური გუნდის ესოდენ დიდი წარმატება დიდი სენსაცია იყო. თუმცა, ქართული გუნდის ჩემპიონობას თავისი ობიექტური წინაპირობა ჰქონდა.

გამოქვეყნებულია ჰოკეი

ცოტა ხნის წინ ბულგარეთში ჩატარდა  სამხრეთ-აღმოსავლეთ ევროპის ქვეყნების  ჩემპიონატი ჰოკეი-5-ში გოგონათა შორის, რომელშიც საქართველოს ნაკრები იღებდა მონაწილეობას. ჩვენმა გოგონებმა 6 გუნდიან ტურნირში მე-4 ადგილი დაიკავეს. ჩემპიონატის შესახებ ჰოკეის ფედერაციის პრეზიდენტი ავთანდილ თევდორაძე გვესაუბრა.

გამოქვეყნებულია ჰოკეი

სატესტო რეჟიმი

ჩვენი ვებ გვერდი მუშაობს სატესტო რეჟიმში, შეცდომის დაფიქსირების შემთხვევაში გთხოვთ დაგვიკავშირდეთ ელექტრონულ ფოსტაზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.

სიახლეების გამოწერა

ყოველდღიური სიახლეების მისაღებად ჩაწერეთ თქვენი ელექტრონული ფოსტა.
Top
Этот шаблон Joomla был скачан с сайта ДжуМикс.
We use cookies to improve our website. By continuing to use this website, you are giving consent to cookies being used. More details…