გურამ მელიქიშვილი გახლდათ მრავალგზის საქართველოს ჩემპიონი, აქტიური სპორტიდან წასვლის შემდეგ სათავეში ჩაუდგა იმერეთის რეგიონში ქართული ჭიდაობის აღორძინებას. მწვრთნელობის პარალელურად იყო იმერეთის რეგიონალური ფედერაციის პრეზიდენტი. აღზრდილი ჰყავს არაერთი წარმატებული ფალავანი. გურამ მელიქიშვილი 2016 წელს გარდაიცვალა. მის საქმეს კი - შვილი მამუკა მელიქიშვილი აგრძელებს. ღვაწლმოსილი მწვრთნელის ხსოვნის ტურნირი წლეულს მეორედ გაიმართა. შეჯიბრება 37-ე საჯარო სკოლის დარბაზში ჩატარდა. ტურნირში საქართველოს 11 ქალაქისა და რაიონის გუნდმა მიიღო მონაწილეობა. ორთაბრძოლები 9 წონით კატეგორიაში გაიმართა. ტურნირს ესწრებოდა ა(ა)იპ ქუთაისის სპორტულ დაწესებულებათა გაერთიანების მმართველი კობა ფხაკაძე, რომელმაც გამარჯვებულები და პრიზიორები თასებით, მედლებითა და დიპლომებით დააჯილდოვა. გურამ მელიქიშვილის სახელობის თასი გადაეცა ცაგერის წარმომადგენელს ვალერი სილაგაძეს, რომელმაც აბსოლუტურ წონაში პირველი ადგილი დაიკავა.
30კგ. 1.ლუკა ქუთათელაძე (წყალტუბო) 2.ლუკა ომანიძე (წყალტუბო) 3.საბა ცინაძე (ქუთაისი)
35კგ. 1.ლაშა ლომაშვილი (ქუთაისი) 2.საბა მოდებაძე (ჭიათურა) 3.გიორგი კაკაბაძე (ქუთაისი)
40კგ. 1.მათე აფციაური (წყალტუბო) 2. ნიკა ამბროლიანი (წყალტუბო) 3.თენგო ხიდაშელი (ზესტაფონი)
45კგ. 1. ნიკა გაბრიჩიძე (ქუთაისი) 2. მათე გველესიანი (წყალტუბო) 3. საბა ჭელიძე (ქუთაისი)
50კგ. 1.იაკობ ნაჭყეპია (ქუთაისი) 2. ნიკა ხურციძე (ქუთაისი) 3.გიორგი შვანგირაძე (წყალტუბო)
55კგ. 1.კახა ლომიძე (ჭიათურა) 2.დავით ცერცვაძე (ჭიათურა) 3.ლუკა სილაგაძე (ცაგერი)
60კგ. 1.ნიკა ქომეთიანი (ცაგერი) 2.გიორგი თევდორაძე (ქუთაისი) 3.ზურაბ ქუცაძე (თერჯოლა)
66კგ. 1. ნუგზარ ხვისტანი (ქუთაისი) 2. რეზო შველიძე (ქუთაისი) 3.ნუკრი ცერცვაძე (ჭიათურა)
+66კგ. 1.ვალერი სილაგაძე (ცაგერი) 2. უჩა ტაბატაძე (ზესტაფონი) 3.ნიკა დეკანოიძე (ზესტაფონი)
