“ქუთაისმა” “თსუ-ჰიუნდაი” ბოლო წამებზე დაამარცხა

საკალათბურთო სუპერლიგის მე–10 ტურში ,,ქუთაისმა" სტუმრად “თსუ-ჰიუნდაი”   85:82 დაამარცხა. თამაში უაღრესად დაძაბული გამოდგა და შეხვედრის ბედი ბოლო წამებზე გადაწყდა. 

“თსუ-ჰიუნდაიმ” ქუთაისელები 1 კვირის წინ, ზურაბ საკანდელიძისა და მიხეილ ქორქიას მემორიალზე დაამარცხა და დღევანდელ მატჩშიც ძალიან ახლოს იყო გამარჯვებასთან. შეხვედრის დასრულებამდე 4 წუთით ადრე ნიკოლოზ ჩერქეზიშვილის გაწვრთნილი თსუ-ჰიუნდაელები 9 ქულით – უგებდნენ სუპერლიგის ვიცე-ჩემპიონს, ხოლო დასრულებამდე 2:20 წუთით ადრე 79:74 ლიდერობდნენ და შეტევაში ხელსაყრელი პოზიცია ვერ გამოიყენეს, რის შემდეგაც სტუმრებმა გაქცევა მოაწყვეს და შეხვედრის ბოლო წუთზე დაწინაურდნენ – 82:79.

შეხვედრის დასრულებამდე 25 წამით ადრე ჯეიმს მილიკენმა ზუსტი სამქულიანით ანგარიში გაათანაბრა. ქუთაისელებმა წუთშესვენება აიღეს, თუმცა დაგეგმილი შეტევა არ გამოუვიდათ და დეჟუან რაიტმა ალალ ბედზე ნასროლი სამქულიანი ფარიდან ასხლეტით ჩააგდო, რითაც სტუმრები 85:82 დააწინაურა. ქუთაისელებმა ტაქტიკური ჯარიმებით მოახერხეს და დარჩენილი 12 წამი ფარი მშრალად შეინახეს, რითაც მიმდინარე სუპერლიგაში მე-8 გამარჯვება მოიპოვეს. 

ქუთაისელთა შორის 14-14 ქულით ჯონათან ლი და აკაკი დვალიშვილი გამოირჩნენ. ორმაგი დუბლი ჰქონდა ტერენს ტომპსონს – 11 ქულა, 10 მოხსნა. 13 ქულა და 9 მოხსნა მიითვალა დეჟარ რაიტმა, 12 – აკაკი ლომოურმა. “თსუ-ჰიუნდაიში” 24 ქულით საუკეთესო იყო ვიკტორ ნიკერსონი. 21 ქულა მიითვალა ჯეიმს მილიკენმა.

თსუ-ჰიუნდაი – ქუთაისი
სტატისტიკა: 82:85

Share this article

ავტორის შესახებ

დავით კოხრეიძე

მთავარი რედაქტორი, დიდი გამოცდილება აქვს სპორტულ ჟურნალისტიკაში

ვებსაიტი: https://www.facebook.com/davit.kokhreidze.92 ელ-ფოსტა ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.

სატესტო რეჟიმი

ჩვენი ვებ გვერდი მუშაობს სატესტო რეჟიმში, შეცდომის დაფიქსირების შემთხვევაში გთხოვთ დაგვიკავშირდეთ ელექტრონულ ფოსტაზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.

სიახლეების გამოწერა

ყოველდღიური სიახლეების მისაღებად ჩაწერეთ თქვენი ელექტრონული ფოსტა.
Top
Этот шаблон Joomla был скачан с сайта ДжуМикс.
We use cookies to improve our website. By continuing to use this website, you are giving consent to cookies being used. More details…