საქართველოს საკალათბურთო ნაკრებმა თბილისის სპორტის სასახლეში  მსოფლიოს თასის საკვალიფიკაციო ეტაპის მატჩში ისრაელის ნაკრებს უმასპინძლა და ოვერტაიმში 71:69 დაამარცხა.

პირველი პერიოდი სტუმრების გამარჯვებით 9:11 დასრულდა. მეორე ათწუთეული  თანაბარ ბრძოლაში წარიმართა, თუმცა შემდეგ ქართველებმა პერიმეტრზე გაილაღეს, ფაცაციას, ბითაძის, მაკფადენისა, ცინცაძის ჩაგდებული სამქულიანებით  საქართველო 26:17 დააწინაურა და პირველი ტაიმიცჩვენი გამარჯვებით დასრულდა 34:30

მესამე პერიოდში  ისრაელის ნაკრების კალათბურთელებმა სროლები გამოასწორე  და გადამწყვეტი პერიოდის  წინ სხვაობა მინიმუმამდე შეამცირეს - 49:50. მეოთხე პერიოდი თანაბარ ბრძოლაში მიმდინარეობდა, მაგრამ ბოლო წამებზე სტუმრებმა ანგარიშის გათანაბრება შეძლეს და თამაში ოვერტაიმში გადავიდა. აქ ბოლო წამებზე შერმადინმა ფარქვეშიდან ზუსტად ისროლა და საქართველოს ნაკრებს გამარჯვება მოუპოვა.