ქუთაისის ,,ტორპედომ" ფარერული ,,ვიკინგურის" ბარიერი იოლად გადალახა (3:0,4:0) და ევროპის ლიგის მესამე საკვალიფიკაციო ეტაპზე გავიდა, სადაც მისი მეტოქე ალბანური ,,კუკეში" იქნება. სამწუხაროდ, 9 აგვისტოს ქუთაისელები ალბანელებთან საკუთარ სტადიონზე თამაშს ვერ შეძლებენ. საქმე იმაშია, რომ რამაზ შენგელიას სახელობის ცენტრალური სტადიონი მესამე საკვალიფიკაციო ეტაპის მოთხოვნებს ვერ აკმაყოფილებს, რის გამოც "ტორპედოს" თამაში თბილისში მოუწევს.
ასე რომ, 9 აგვისტოს, ევროპალიგის მესამე საკვალიფიკაციო ეტაპის მატჩს ალბანური "კუკეშის" წინააღმდეგ "ტორპედო" თბილისში, მიხეილ მესხის სახელობის სტადიონზე გამართავს.
