აია–ლოკომოტივი 14:28
დიდი 10–ის მე–9 ტურში ქუთაისის ,,აიამ“ ხელოვნურსაფარიან მოედანზე თბილისის ,,ლოკომოტივს“ უმასპინძლა და 14:28 დამარცხდა.
ქუთაისელებმა შეხვედრა აქტიურად დაიწყეს და მეტოქე საკუთარ ლელოს ხაზთან მოამწყვდიეს, მასპინძლები რამდენჯერმე ახლოს იყვნენ ლელოს დადებასთან, მაგრამ ბოლო ფაზაში ხან არასწორ გადაცემას აკეთებდნენ, ხან ბურთი წინ უვარდებოდათ, ხანაც კი რაქიდან ბურთი ვერ გამოჰქონდათ დროულად. ქუთაისელების შეცდომით კარგად ისარგებლეს, ლოკომოტიველებმა, 20–ე წუთზე დაჩი კოპაძემ ლელო მიითვალა, რომელიც ბექა წიკლაურმა გარდასახა–0:7. 38–ე წუთზე ზვიად მაისურაძემ დაამიწა ბურთი მასპინძელთა ჩათვლის მოედანში, წიკლაურმა რეალიზაცია კვლავ ზუსტად დაარტყა 0–14. ,,აია“ მთელი ძალებით გადავიდა იერიშზე, ბადრი დანგაძის ლელოთი და თედო აბჟანდაძის გარდასახვით ქუთაისელებმა ანგარიში შეამცირეს 7:14 და ტაიმიც დასრულდა.
მეორე ტაიმში დიდი ბრძოლა გაიმართა, თუმცა ტაიმის შუაწელიდან სტუმრების უპირატესობა გამოიკვეთა, ისინი შერკინებაში უკეთ ირგებოდნენ, ლოკომოტივის ინიციატივა ანგარშზეც აისახა, 55–ე წუთზე კოპაძემ, 75–ე წუთზე კი მაისურაძემ მასპინძლები კიდევ თითო–თითოჯერ დაალელოვეს, წიკლაური რეალიზაციისას კვლავ ზუსტი იყო. ,,ლოკომოტივმა“ კომფორტული უპირატესობა მოიპოვა 7:28, თუმცა ,,აიამ“ ბოლოს ისევ გაიბრძოლა სტუმრებს ხაზი ლაშა ლომიძემ გაუჭრა და ბურთიც დაამიწა, აბჟანდაძემ კი ლელო ზუსტად გარდასახა და საბოლოო ანგარიში დააფიქსირა –14:28

დღეს საქართველოს ნაკრებმა ნოემბრის ტესტმატჩის მეორე შეხვედრა გამართა. მილტონ ჰეიგის  გუნდმა სამოას ნაკრები მიიღო და დაძაბულ შეხვედრაში 27:19 დაამარცხა. პირველ ტაიმში განვითარებული მოვლენები ბორჯღალოსნებს კარგს არაფერს უქადდა. მართალია, თედო აბჟანდაძემ მე–3 წუთზე საჯარიმო დარტყმით გახსნა ანგარიში, მაგრამ ამის შემდეგ სამოელებმა უპირატესობა მოიპოვეს და ეს ანგარშზეც  აისახა.

ვიბრძოლეთ, მაგრამ იტალიასთან ისევ წავაგეთ

დიდი ხანი ემზადებოდა საქართველოს ნაკრების მისთვის ესოდენ პრინციპული დაპირისპირებისთვის, დიდი ხანი მოუთმენლად ელოდებოდა ქართული რაგბის ქომაგი იტალიასთან ,,წლის მატჩს“. სხვათა შორის, ტექნიკური პრობლემის გამო საქართველოს ჰიმნი ვერ შესრულდა, მაგრამ ,,არტემიო ფრანკზე” შეკრებილმა ქართველმა გულშემატკივრებმა მუსიკის გარეშე დააგუგუნეს საქართველოს ჰიმნი.

დღეს ,,აია არენას“ სათადარიგო მოედანზე საერთაშორისო ამხანაგური შეხვედრა გაიმართა, ქუთაისის ,,აიას“ 16 წლამდელთა გუნდმა დუბლინის RFC  U16–ს უმასპინძლა. ირლანდიური გუნდი საქართველოში ,,აიასა“ და საქართველოს ნაკრების ვეტერანი მორაგბის ნიკა აბდალაძის ინიციატივით ჩამოვიდა.

დიდი 10-ის 8 სექტემბრის მეორე მატჩიც პირველივით დრამატული აღმოჩნდა. მარნეულის ‘არმაზი’ ქუთაისში ‘აიას’ ბოლო წუთამდე ამარცხებდა, მაგრამ გაწითლებულ დროზე ლელო გაუშვა და 27:31 დამარცხდა.

ავთანდილ ჩოგოვაძე – 70

თანამედროვე სპორტში თითქმის წარმოუდგენელია, რომ სპორტსმენმა კარიერა 25 წლის ასაკში დაიწყოს და პროფესიონალურ დონეზე რაიმე წარმატებას მიაღწიოს. არადა, წლების წინ,როცა  ქალაქ ქუთაისში რაგბი ფეხს იდგამდა, ასეთი რამ  ჩვეულებრივი მოვლენა იყო. ქუთაისური რაგბის ფუძემდებლები გოგი ყუფარაძე და შაკო ქურციკიძე სპორტსმენებს კარდაკარ ეძებდნენ და რაგბის კლუბს აყალიბებდნენ. მათ მიერ ჩაყრილ საფუძველზე კი მოგვიანებით ისეთი გუნდი ,,აღმოცენდა“, რომელიც  წლების მანძილზე საბჭოთა კავშირში უმაღლეს პოზიციებს არ თმობდა...

სწორედ ასე,შემთხვევით,  25 წლის ასაკში დაიწყო რაგბის თამაში ჩვენმა დღევანდელმა რესპოდენტმა ავთანდილ ჩოგოვაძემ, რომელიც მალევე ქუთაისური გუნდის შეუცვლელ მოთამაშედ იქცა და ,,აიას“ (იმდროინდელი ,,სალხმშენი“) წარმატებებში დიდი წვლილი შეიტანა. გუნდთან ერთან მან ჯერ სსრკს უმაღლეს ლიგაში თამაშის უფლება მოიპოვა, შემდეგ  კი სსრკ–ს ვერცხლის მედალოსანი გახდა.  ბატონ ავთანდილს 5 სექტემბერს 70 წელი უსრულდება, ვულოცავთ მას 70 წლის იუბილეს , ქვემოთ კი გთავაზობთ მასთან ინტერვიუს.

დიდი 10-ის ახალი სეზონის დაწყებამდე ორ კვირაზე ოდნავ მეტი რჩება. გუნდებმა ახალი სეზონისთვის შემადგენლობები უკვე დააკომპლექტეს და მზადების დასკვნით ეტაპს გადიან.

ზაფხულის სატრანსფერო პერიოდში 40-მდე გადასვლა განხორციელდა, რაც 2,5-ჯერ ნაკლებია შარშანდელი ტრანსფერების რაოდენობაზე. სამშობლოში დაბრუნდა 5 ლეგიონერი. ყველაზე მეტი - 8-8 მოთამაშე დაკარგეს გორის "ჯიქმა" და თბილისის "არმიამ". მხოლოდ თითო-თითო მოთამაშემ დატოვა თბილისის "ლელო-სარასენსი" და "ბათუმი". ყველაზე მეტი - 6 მოთამაშე დაიმატა "ბათუმმა", ხოლო რუსთავის "ხარებმა" ყველაზე ცოტა - 1.

გვერდი 1 სულ 2

სატესტო რეჟიმი

ჩვენი ვებ გვერდი მუშაობს სატესტო რეჟიმში, შეცდომის დაფიქსირების შემთხვევაში გთხოვთ დაგვიკავშირდეთ ელექტრონულ ფოსტაზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.

სიახლეების გამოწერა

ყოველდღიური სიახლეების მისაღებად ჩაწერეთ თქვენი ელექტრონული ფოსტა.
Top
Этот шаблон Joomla был скачан с сайта ДжуМикс.
We use cookies to improve our website. By continuing to use this website, you are giving consent to cookies being used. More details…