6 სექტემბერს ვლადიმერ ვაისის გუნდმა სტუმრად ყაზახეთი დაამარცხა 2:0. კარგ დასაწყისს ასეთივე გაგრძელება სჭირდება, 9 სექტემბერს საქართველოს ნაკრები თბილისში ლატვიის ნაკრებს დაუხვდება.  ერთა ლიგის მეორე ტურის შეხვედრა 9 სექტემბერს 20:00 საათზე დაიწყება და მის პირდაპირ რეპორტაჟს საზოგადოებრივი მაუწყებლის პირველი არხი შემოგთავაზებთ

გუშინ ქართველმა ფეხბურთელებმა „ზესტაფონის“ თბილისის ზღვის ბაზაზე არასრული შემადგენლობით ივარჯიშეს. საწვრთნელ პროცესში მხოლოდ ის მოთამაშეები მონაწილეობდნენ, რომლებსაც 6 სექტემბერს ყაზახეთის წინააღმდეგ ჩატარებულ შეხვედრაში მონაწილეობა არ მიუღიათ, ან არასრული მატჩი ჩაატარეს. ძირითადი შემადგენლობის მოთამაშეებმა აღდგენითი ვარჯიში გამართეს.

ერთა ლიგის მეორე ტურის მატჩამდე ბოლო ვარჯიშს საქართველოსა და ლატვიის ნაკრებები 8 სექტემბერს გამართავენ. 



საქართველოს ნაკრების შემადგენლობა: 

მეკარეები: გიორგი ლორია (კრილია სოვეტოვი, რუსეთი), როინ კვასხვაძე (ტორპედო, ქუთაისი), ლაზარე კუპატაძე (საბურთალო, თბილისი) 

მცველები: ოთარ კაკაბაძე (ლუცერნი, შვეიცარია), სოლომონ კვერკველია (ლოკომოტივი, მოსკოვი, რუსეთი), დავით ხოჭოლავა (შახტარი, დონეცკი, უკრაინა), გურამ კაშია (სან ხოსე ერსქვიკსი, აშშ), ლაშა შერგელაშვილი (რიგასი, ლატვია), გიორგი ნავალოვსკი (დინამო, მინსკი, ბელარუსი), ჯიმი ტაბიძე (უფა, რუსეთი)

ნახევარმცველები: ჯაბა კანკავა (ტობოლი, ყაზახეთი), ნიკა კვეკვესკირი (ტობოლი, ყაზახეთი), გიორგი აბურჯანია (ლუგო, ესპანეთი), ვაკო გვილია (ლუცერნი, შვეიცარია), ოთარ კიტეიშვილი (შტურმი, ავსტრია), გიორგი პაპუნაშვილი (სარაგოსა, ესპანეთი), გიორგი მერებაშვილი (ვისლა, პლოცკი, პოლონეთი), გიორგი არაბიძე (ნასიონალი, პორტუგალია), გიორგი ჩაკვეტაძე (გენტი, ბელგია), თორნიკე ოქრიაშვილი (კრასნოდარი, რუსეთი), ვაკო ყაზაიშვილი (სან ხოსე ერსქვიკსი, აშშ), ჯაბა ჯიღაური (გრენობლი, საფრანგეთი) 

თავდამსხმელები: ლევან მჭედლიძე (ემპოლი, იტალია), გიორგი ქვილითაია (გენტი, ბელგია), ნიკა კაჭარავა (ანორთოსისი, კვიპროსი)