ქუთაისის ,,ტორპედოში" ფინანსური პრობლემებია. ფეხბურთელებს 2 თვის ხელფასები არ აუღიათ. რთული მდგომარეობიდან გამომდინარე ბევრი ,,ტორპედოსგან" წარმატებულ თამაშს არ ელოდა, მაგრამ კახა ჩხეტიანის გუნდი თბილისის ,,ლოკომოტივთან" მე–12 ტურის შეხვედრაში ბოლომდე დაიხარჯა და 3:1 გაიმარჯვა.

ქუთაისელებმა დებიუტშივე მოიპოვეს უპირატესობა. მე–12 წუთზე ამბროსი ჩაჩუას პასის შემდეგ, შესანიშნავ ფორმაში მყოფმა  ნოდარ ქავთარაძემ ერთი შესხებით გაიტანა და სტუმრები დააწინაურა. ორიოდე წუთში ,,ლოკომოტივის" კარში პენალტი დაინიშნა, რომელიც ბუდუ ზივზივაძემ პანანკას სტილში გაიტანა. 

კახა ჩხეტიანის გუნდმა მეორე ტაიმში უპირატესობა სამ ბურთამდე გაზარდა. 62–ე წუთზე თავი რიჩარდ ლუკამ გამოიჩინა. თბილისელებმა მხოლოდ პრესტიჟის გოლის გატანა მოახერხეს. 81–ე ქუთაისელებს თემურ შონიამ გაუტანა.

დღის მეორე შეხვედრაში სენსაცია დაფიქსირდა, აუტსაიდერმა ,,რუსთავმა" 3:1 დაამარცხა ლიდერი ,,საბურთალო". არასრული მე–12 ტურის შემდეგ ,,ტორპედო" 23 ქულით მე–2 ადგილზეა. 

 

გამოქვეყნებულია ქართული ფეხბურთი

 ქუთაისის სპორტულ დაწესებულებათა გაერთიანების ორგანიზებით მიხეილ ქორქიასა და ზურაბ საკანდელიძის სახელობის სპორტის სასახლეში ჩატარდა ირაკლი წოწონავას ხსოვნისადმი მიძღვნილი მე–7 ტრადიციული ტურნირი თავისუფალ ჭიდაობაში ჭაბუკთა (2007-2008, 2009-2010წწ) შორის.

გამოქვეყნებულია თავისუფალი

19-21 აპრილს თბილისში ჩატარდა საქართველოს ჩემპიონატი ფარიკაობაში. ასპარეზობაში განსაკუთრებით თბილისისა და ქუთაისის წარმომადგენლებმა გამოიჩინეს თავი. ქუთაისელმა მოფარიკავეებმა 3 ოქროს და 3 ბრინჯაოს მედალი მოიოპოვეს. 
ორი ოქროს მედალი მარიამ ზაკირჩენკოს ანგარიშზეა, რომელიც ჯერ რაპირაში გახდა საქართველოს ჩემპიონი, შემდეგ კი დაშნაშიც იზეიმა გამარჯვება. ხმალში ჩემპიონი გახდა საქართველოს ნაკრების ყველაზე ტიტულოვანი მოფარიკავე სანდრო ბაზაძე.

საქართველოს ჩემპიონატი
გამარჯვებულები და პრიზიორები
ხმალი (ბიჭები)
1. სანდრო ბაზაძე (ქუთაისი) 
2. გოგა კაკაურიძე (თბილისი)
3. ვაჟა რეჭია (თბილისი)
3.მიხეილ მარდალეიშვილი (ქუთაისი)

ხმალი (გოგონები)
1. ლიკა ჯიჯეიშვილი (თბილისი)
2. ანა აფრასიძე (თბილისი)
3. თამარ ჩარკვიანი (ქუთაისი)

რაპირა (ბიჭები)
1. ლუკა ღაღანიძე (თბილისი)
2. არჩილ უგულავა (თბილისი)
3. ლაშა გალუაშვილი (თბილისი)
3.ირაკლი მიქელაძე (აჭარა)

რაპირა (გოგონები)
1. მარია ზაკირჩენკო (ქუთაისი) 
2. ლიზა ლხინაძე (თბილისი)
3. მარაიმ ტუღუში (თბილისი)
3. ელენე ბორჩხაძე (თბილისი)

დაშნა (ბიჭები)
1. გიორგი ქაფიანიძე (რუსთავი)
2. მიკა მიქელიანი (თბილისი)
3. დავით არველაძე (ქუთაისი) 
3. დავით მაგრაქველიძე (თბილისი)

დაშნა (გოგონები)
1. მარია ზაკირჩენკო (ქუთაისი) 
2. მარიამ ზოიძე (აჭარა)
3. ნათია მაჭავარიანი (თბილისი)
3. ევა აჰამიანი (აჭარა)

გამოქვეყნებულია სხვა

ნინო სალუქვაძემ პირველივე ჯერზე მოიპოვა ტოკიოს 2020 წლის თამაშების ლიცენზია. ჩვენი გუნდის ლიდერმა, ოლიმპიურმა, მსოფლიოსა და ევროპის სამგზის ჩემპიონმა ეს დღეს პეკინში დაწყებულ ტყვიის მსროლელთა მსოფლიოს თასზე შეძლო, სადაც პნევმატური პისტოლეტიდან სროლაში 578 ქულით ფინალშიც შევიდა, იქ კი 176.9 ქულით საბოლოოდ მეხუთე ადგილზე გავიდა და საგზურიც მიიღო, რადგან მის წინ მდგომთაგან ოთხივეს - ბერძენ ოლიმპიურსა და მსოფლიოს ჩემპიონ ანა კორაკაკის, რუს ოლიმპიადის ვიცე-ჩემპიონ ვიტალინა ბაცარაშკინას, უნგრელ ვერონიკა მაიორის და კორეელ მინჯუნ კიმის უკვე ჰქონდათ საგზურები (თავად ტურნირი კორეელმა მოიგო 154.0 ქულით).
ქალთა ტურნირში ჩვენი მეორე მონაწილე ლიზი კილაძე 563 ქულით მე-60 ადგილზე გავიდა.

გამოქვეყნებულია ტყვიის სროლა

ქუთაისი ყოველთვის იყო ძლიერი მორაგბეების სამჭედლო, რომელიც საქართველოს ნაკრებს ყოველთვის ამარაგებდა წამყვანი ძალით. ტრადიციები დღესაც წარმატებით გრძელდება. ბორჯღალოსანთა რიგებში ქუთაისში დაოსტატებული არაერთი მორაგბე თამაშობს, მათგან ერთ–ერთი ყველაზე გამოცდილი,  ნაკრების კაპიტანი გიორგი ნემსაძეა. ბორჯღალოსანთა 34 წლის მეორეხაზელი თითქმის ერთი წელია უელსში, კლუბ ,,ოსპრეიში“ თამაშობს, გიოს საქართველოს ნაკრებში 90 თამაში აქვს ჩატარებული და ,,ცენტურიონობამდე“ 10 კეპი დარჩა მოსახვეჭი, „ნემსო“  ქუთაისში დაიბადა და გაიზარდა, ჩვენი პორტალის მიზანი არის ქუთაისელი, წარმატებული სპორტსმენების წარმოჩენა და საინტერესო მხრიდან გაცნობა.

გამოქვეყნებულია ქართული რაგბი

სატესტო რეჟიმი

ჩვენი ვებ გვერდი მუშაობს სატესტო რეჟიმში, შეცდომის დაფიქსირების შემთხვევაში გთხოვთ დაგვიკავშირდეთ ელექტრონულ ფოსტაზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.

სიახლეების გამოწერა

ყოველდღიური სიახლეების მისაღებად ჩაწერეთ თქვენი ელექტრონული ფოსტა.
Top
Этот шаблон Joomla был скачан с сайта ДжуМикс.
We use cookies to improve our website. By continuing to use this website, you are giving consent to cookies being used. More details…