2025 წლის ზაფხულში დაგეგმილ ბრიტანელი და ირლანდიელი ლომების ავსტრალიურ ტურნეზე ისტორიული ჩანაწერი გაკეთდება – პირველად ისტორიაში, ერთ-ერთ მთავარ ტესტ-მატჩს ქართველი არბიტრი, ნიკა ამაშუკელი განსჯის.
ამაშუკელი მესამე ტესტ-მატჩის მთავარი მსაჯის რანგში წარდგება და გახდება პირველი ქართველი და ერთდროულად პირველი Tier 2-ის წარმომადგენელი არბიტრი, რომელიც ლომების ტესტებზე იმსაჯებს.

27 აპრილს, კვირას, 15:00 საათზე, ქუთაისის „აია არენაზე“ გაიმართება საქართველოს რაგბის ჩემპიონატის „დიდი 10“-ის შესარჩევი ფინალი. მატჩში ერთმანეთს დაუპირისპირდებიან რეგულარული ჩემპიონატის გამარჯვებული ქუთაისის „აია“ და მეორეადგილოსანი ბათუმის „ბათუმი“.

საქართველოში რუსეთის ორგანიზებით Mas-wrestling-ის საერთაშორისო ჩემპიონატი ჩატარდება — ამის შესახებ ტელეკომპანია ფორმულა ავრცელებს ინფორმაციას. ტურნირი აპრილის ბოლოს წყალტუბოს სპორტულ კომპლექსშია დაგეგმილი და მასში, როგორც ფორმულას გადაცემამ „ხალხთან ერთად“ გაარკვია, რუსეთის ფედერალური მთავრობის წევრი, იაკუტიის ოლქის სენატორი და Mas-wrestling-ის პრეზიდენტი ალექსანდრ აკიმოვი მიიღებს მონაწილეობას.