გუშინ საქართველოს 16 წლამდე კალათბურთელთა ნაკრებმა უკრაინის დედაქალაქ კიევში ამხანაგური მატჩი გამართა მასპინძელ თანატოლებთან. შეხვედრა მასპინძელთა გამარჯვებით ანგარიშით 78:71 დასრულდა. აღსანიშნავია, რომ ამ პაექრობაში უმეტეს დროს ქართველები ლიდერობდნენ.
ბოლო პერიოდის წინ ქართველი ახალგაზრდები 56:51 იგებდნენ, მაგრამ მასპინძლებმა შეხვედრის ეპილოგი უკეთ ჩაატარეს და საბოლოო გამარჯვებასაც მიაღწიეს. .
საქართველოს ნაკრებში 20 ქულით და 9 მოხსნით საუკეთესო იყო ვლადიმერ თავაქარაშვილი.
საქართველოს ნაკრები ევროპის ჩემპიონატის A დივიზიონისთვის ემზადება და მორიგ სპარინგ-მატჩს კვლავ უკრაინასთან დღეს, 31 ივლისს გამართავს.
ჩვენი ვებ გვერდი მუშაობს სატესტო რეჟიმში, შეცდომის დაფიქსირების შემთხვევაში გთხოვთ დაგვიკავშირდეთ ელექტრონულ ფოსტაზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.