რევაზ დავითაძემ და ირაკლი ჩხეიძემ მსოფლიო ჩემპიონობა 5 ოქროსა და 1 ვერცხლის მედლით მოიპოვეს.
საქართველოს ნაკრებს უზბეკეთში ეროვნული ნაკრების მთავარი მწვრთნელის გიორგი ასანიძე, ახალგაზრდული ნაკრების თავკაცი მალხაზ ლომთაძე და გუნდის ექიმის გიორგი ჭინჭარაული  ახლდნენ.

ჩემპიონატის დასკვნით დღეს 105 კილოგრამ წონით კატეგორიაში მოასპარეზე ირაკლი ჩხეიძემ ოქროს მედლები მოიპოვა როგორც ატაცში (163, 168, 171), ისე აკვრაში (201, 205, 211) და  ორჭიდის ჯამში დაგროვილი 382 კილოგრამით მსოფლიო ჩემპიონი გახდა.  
მსოფლიო ჩემპიონატის პირველ დღეს ქართველებიდან რევაზ დავითაძემ და ნოდარ კაკაბაძემ (85 კგ.) იასპარეზეს.  დავითაძემ ატაცში 164 კილოგრამი დასძლია და ოქროს მედალიც დაიმსახურა, აკვრაში 192  კილოგრამი კი ვერცხლის მედლისთვის აღმოჩნდა საკმარისი. ორჭიდის ჯამში დაგროვილმა 356 კილოგრამმა კი მას კიდევ ერთი ოქროს მედალი მოუტანა.
შედეგად ტაშკენტის მსოფლიო ჩემპიონატი საქართველოს ნაკრებმა ხუთი ოქროს და ერთი ვერცხლის მედლით დაასრულა.