27 აპრილს, კვირას, 15:00 საათზე, ქუთაისის „აია არენაზე“ გაიმართება საქართველოს რაგბის ჩემპიონატის „დიდი 10“-ის შესარჩევი ფინალი. მატჩში ერთმანეთს დაუპირისპირდებიან რეგულარული ჩემპიონატის გამარჯვებული ქუთაისის „აია“ და მეორეადგილოსანი ბათუმის „ბათუმი“.
შესარჩევ ფინალში მონაწილეობენ ის ორი გუნდი, რომლებიც რეგულარული სეზონის დასრულების შემდეგ პირველ და მეორე ადგილზე იმყოფებიან. ორივე გუნდი უკვე მოხვდა ჩემპიონატის საპრიზო სამეულში. გამარჯვებული პირდაპირ გადის დიდი ფინალის საგზურით, ხოლო წაგებული გუნდი დარჩება ფლეი-ოფში და ჩემპიონობისთვის ბრძოლას გააგრძელებს მე-3-დან მე-6 ადგილებზე გასულ გუნდებს შორის საუკეთესოს წინააღმდეგ.
დიდი ფინალი 11 მაისს, 16:00 საათზე, ასევე ქუთაისში, „აია არენაზე“ გაიმართება.
ჩვენი ვებ გვერდი მუშაობს სატესტო რეჟიმში, შეცდომის დაფიქსირების შემთხვევაში გთხოვთ დაგვიკავშირდეთ ელექტრონულ ფოსტაზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.