ამ გამარჯვების შემდეგ საქართველოს ნაკრები მეორე ადგილზე მყოფ რუსეთისთვის მიუწვდომელი გახდა და ერთი ტურით ადრე გახდა რაგბი ევროპის ჩემპიონი. საქართველოს ნაკრებმა გერმანიას 8 ლელო დაუდო (მოდებაძე-3, ხმალაძე, მამუკაშვილი, მალაღურაძე, ლობჟანიძე, შარიქაძე), 5 გარდასახვა გაიტანა გელა აფრასიძემ, ერთი ლელო კი სოსო მათიაშვილმა გარდასახა.

მატჩის საუკეთესო მოთამაშედ საქართველოს ნაკრებისა და ქუთაისის ,,აიას" მორაგბე მირიან მოდებაძე დასახელდა, რომელმაც გერმანელების წინააღმდეგ სამი ლელო დაამიწა. შეხვედრის შემდეგ მირიან მოდებაძეს ქუთაისის მერმა გიორგი ჭიღვარიამ სპეციალური პრიზი გადასცა.

საქართველოს ნაკრები რაგბი ევროპის ჩემპიონატზე ბოლო ტურის შეხვედრას 17 მარტს კრასნოდარში რუსეთის წინააღმდეგ გამართავს.