რომში მიმდინარე ბერძენ-რომაელთა ევროპის ჩემპიონატის პირველ საფინალო დღეს საქართველოს ნაკრებისთვის წარმატებული გამოდგა, ქართველმა ფალავნებმა 1 ოქროსა და 2 ბრინჯაოს მედალი მოიპოვეს.
ევროპის ჩემპიონი თემურ ჭკუასელიძე (87) გახდა, მესამეზე კი ლერი აბულაძე (63) და ბექა გურული (77) გავიდნენ.
ჭკუასელიძემ ფინალურ შეხვედრაში 7:1 დაამარცხა უნგრელი ალექს გერგო ჟოკე.
აბულაძემ ბრინჯაოსთვის პაექრობაში 6:2 მოუგო რუს ემილ ზიგანშინს, გურულმა კი 5:0 დაამარცხა უკრაინელი დმიტრო ვასეცკი.
ჩვენი ვებ გვერდი მუშაობს სატესტო რეჟიმში, შეცდომის დაფიქსირების შემთხვევაში გთხოვთ დაგვიკავშირდეთ ელექტრონულ ფოსტაზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.