შეხვედრა 22.00 საათზე დაიწყება. გუშინ ქუთაისური გუნდი  დანიის ქალაქ კოპენჰაგენში ჩაფრინდა, საიდანაც  ფარერებზე უნდა გადაფრინდეს; კუნძულზე გამგზავრებამდე ,,ტორპედომ“ კოპენჰაგენში მოთელვითი ვარჯიში ჩაატარა.

ქუთაისელებს ,,ვიკინგურთან“ მატჩის წინ საკადრო პრობლემები შეექმნათ და რამდენიმე წამყვანი ფეხბურთელი გამოაკლდათ. ბოლო მომენტში, ვიზების გაკეთება მათი შემცვლელებისთვისაც ვერ მოხერხდა და  ფარერებისკენ მხოლოდ 16 ფეხბურთელით გაემგზავრნენ.

,,ვიკინგურთან“ მატჩს ლეგიონერები არფანგ დაფე და  გლეოფილდო ჰასელბაინკი სავიზო პრობლემების გამო გამოტოვებენ,ლევან კუტალიას და თენგიზ წიქარიძეს კი ჯანმთელობის პრობლემები შეექმნათ.

კახა ჩხეტიანის გუნდმა პირველ შეხვედრაში ვიკინგები 3:0 გაანადგურა და განმეორებით დაპირისპირებაშიც ფავორიტად ითვლება.

ბუნებრივია, ქუთაისელი გულშემატკივრებისთვის საპასუხო შეხვედრა დიდ ინტერესს იწვევს. თამაშის დღეს, მათთვის რამაზ შენგელიას სახელობის სტადიონის კარები გაიღება, სადაც მატჩის ჩვენება დიდ ეკრანზე იქნება.