ქუთაისის ,,ტორპედომ" ეროვნული ლიგა 2-ის 34-ე ტურის მატჩში ,,საბურთალოს" უმასპინძლა და ქვეყნის ახალ ჩემპიონთან ფრე 0:0 ითამაშა. შეხვედრის დაწყებამდე გუნდებმა ერთმანეთს ლამაზი ჟესტით მიულოცეს რამდენიმე დღის წინ მოპოვებული ტიტულები.

დღეს საქართველოს ნაკრებმა ნოემბრის ტესტმატჩის მეორე შეხვედრა გამართა. მილტონ ჰეიგის  გუნდმა სამოას ნაკრები მიიღო და დაძაბულ შეხვედრაში 27:19 დაამარცხა. პირველ ტაიმში განვითარებული მოვლენები ბორჯღალოსნებს კარგს არაფერს უქადდა. მართალია, თედო აბჟანდაძემ მე–3 წუთზე საჯარიმო დარტყმით გახსნა ანგარიში, მაგრამ ამის შემდეგ სამოელებმა უპირატესობა მოიპოვეს და ეს ანგარშზეც  აისახა.

საქართველოს 21–წლამდელთა ნაკრებმა ევროპის ჩემპიონატის საკვალიფიკაციო ეტაპის მე–9 ტურში სტუმრად ფინეთის ნაკრები 2:1 დაამარცხა. 

გია ცეცაძის გუნდი თავიდანვე შმტევ ფეხბურთს თამაშობდა და მეტოქის ნახევარზე დიდ დროს ატარებდა, მაგრამ ქართველთა შეცდომას  მე–19 წუთზე  ლასი ლაპანაინენის გოლი მოჰყვა–1:0

  61–ე წუთზე ფინელებს უპირატესობის გაზრდის 100 %–იანი შანსი მიეცათ. მსაჯმა ფინელთა სასარგებლოდ პენალტი დანიშნა, რომელიც საკუ ლიატუპამ შეასრულა, თუმცა, ლუკა გუგეშაშვილმა ულამაზეს ნახტომში მეტოქის დარტყმულის მოგერიება შეძლო, რის შემდეგაც ბურთი ძელსაც მოხვდა.

 75–ე წუთზე საქართველოს ნაკრებმა  ანგარიშის გათანაბრება მოახერხა. გიორგი კოხრეიძის წაქცევისთვის დანიშნული პენალტი. ბექა მიქელთაძემ ზუსტად შეასრულა 1:1

 გამარჯვების გოლი  87–ე წუთზე  ირაკლი ბუღრიძემ გაიტანა, რომელიც ცვლილებაზე 20 წამის შესული იყო. "ჩიხურას" შემტევმა ლამაზი და სწრაფი მოძრაობით ფინელი მცველები ჩამოიშორა და უძლიერესი დარტყმით ფინელთა კარში 3 ქულის მომტანი გოლი გაიტანა

საქართველოს ნაკრები ქვეჯგუფში 12 ქულით მე–3 ადგილზეა და ბოლო ტურში სტუმრად ოლონეთის 21 წლამდელთა ნაკრებს დაუპირისპირდება.

ბერძნულ-რომაული სტილით მოჭიდავე გიორგი ჩხიკვაძე ბუენოს აირესში მიმდინარე მესამე ახალგაზრდულ ოლიმპიურ თამაშებზე 60 კგ. წონით კატეგორიაში ოქროს მედლის მფლობელი გახდა. 

ბუენოს აირესში მიმდინარე მესამე ახალგაზრდულ ოლიმპიურ თამაშებში ნინო ხუციბერიძემ პნევმატური პისტოლეტიდან სროლაში ბრინჯაოს მედალი მოიპოვა. ქუთაისელმა ჩუბინმა ოლიმპიადაზე გამოსვლა 196.5 ქულით დაასრულა.