ქუთაისელები გაძლიერებას განაგრძობენ. ,,ტორპედოს" ახალი შენაძენი 21 წლის შემტევი ნახევარმცველი რიჩარდ ლუკა გახლავთ. "ტორპედოსა" და მექსიკურ "ტიგრესს" შორის შეთანხმება შედგა, რომლის მიხედვითაც წარმოშობით ბრაზილიელი ნახევარმცველი ქუთაისურ კლუბში 1-წლიანი იჯარით გადმოვიდა.
2016 წელს რიჩარდ ლუკა ბრაზილიური "გოიასის" ღირსებას იცავდა, საიდანაც "სანტოსის" 20-წლამდელთა გუნდში გადავიდა. "სანტოსის" მერე ბრაზილიელი სწორედ მექსიკურ "ტიგრესში" გადაბარგდა.
"ტორპედოს" ახალწვეული საქართველოში დღეს გამთენიისას ჩამოფრინდა და სავარჯიშო პროცესს ხვალიდან შეუერთდება.
