ფინალურ შეხვედრაში ფრანგებმა 4:2 დაამარცხეს ხორვატიის ნაკრები. გამარჯვებულთა რიგებში გოლებით გამოირჩნენ ანტუან გრიზმანი (პენალტით), პოლ პოგბა და კილიან მბაპე, ერთი გოლი კი საკუთარ კარში მარიო მანჯუკიჩმა გაიტანა. მსოფლიო ჩემპიონატზე საფრანგეთის ნაკრების ფეხბურთელთა საშუალო ასაკი 26 წელი და 10 დღე გახლდათ. 1970 წლის მუნდიალის შემდეგ ეს ყველაზე ახალგაზრდული შემადგენლობა გახლდათ. 1970 წელს ყველაზე ახალგაზრდული გუნდი ბრაზილიის ნაკრებს ჰყავდა, რომელიც იმ წელს მსოფლიო ჩემპიონი გახდა. ბრაზილიელთა საშუალო ასაკი მაშინ 25 წელი და 5 დღე იყო.
