ჰამბურგის ტურნირის გამარჯვებულს, მსოფლიო საჩოგბურთო რეიტინგის 90-ე პოზიციაზე მყოფმა სამხრეთსლავმა შანსი არ დაუტოვა და ორივე სეტში ერთნაირი ანგარიშით (6:3, 6:3) დაამარცხა. როგორც ჩანს გერმანიის ღია პირველობაზე მოპოვებულმა გამარჯვებამ დაღლილობის კუთხით თავისი გაიტანა და დღეს ბასილაშვილი აშკარად ვერ იყო სათამაშო განწყობაზე. მის თამაშში არ იგრძნობოდა ის აგრესია და სიზუსტე, რასაც რამდენიმე დღის წინ ავლენდა ჩრდილო გერმანულ ქალაქში. ბასილაშვილი ამ კვირაში დაისვენებს და მომავალი კვირიდან ოკეანისგაღმა ჩასატარებელ ტურნირებზე გადაინაცვლებს, სადაც საბოლოოდ ამერიკის ღია პირველობისათვის მოემზადება და „დიდი სლემის“ უკანასკნელ ტურნირში მიიღებს მონაწილეობას.